Bheege Nayan

Aaj kuch aise bheege nayan jaise kali badra chaayi ho..

Aaj kuch aise chalke nayan jaise baarish bhar ke aayi ho..

Jazbaaton ka aisa tufaan umaad ke aaya

Jaise khali gata ne li angdaai ho…

Lafjo per ruke hue alfaj aise nikle jaise sardi ki subah mein ped ke patto per oos ki bund bhikar kar aayi ho..

Aaj kuch aise bheege nayan jaise kali badra chaayi ho..

Aaj kuch aise chalke nayan jaise baarish bhar ke aayi ho..

Apni choti si kashti ko kinaare laane ke liye, Jazbaat ke sailab ko hum kuch yun roke baithe the..

Jaise har barasti hui ghata kuch keh kar aayi ho

Alfazon ki sili hui juban ko kuch yun chupaya tha..

Jaise sagar ki har lehar kinare ko bina chue hi laut kar aayi ho ..

Aaj kuch aise bheege nayan jaise kali badra chaayi ho..

Aaj kuch aise chalke nayan jaise baarish bhar ke aayi ho..

Hum to apni hi tanhayion mein gum the kuch si kadar..

Ki Shab-e-furkat ka ilm kisko tha..

Ye pal bhi yun aaya jaise tej hawayein shor karti hui gehrai ho..

Fiza mein har pal yun gunja tha..

Jaise har ek ek cheej hamare dard ko sirf hara aur hara karne hi aayi ho ..

Aur hum bas yahi soch rahe the..

Aaj kuch aise beege nayan jaise kali badra chaayi ho..

Aaj kuch aise chalke nayan jaise baarish bhar ke aayi ho !!