Maut Aur Zindagi ..

Maut aur zindagi ajab paheli hai..
Jo kabhi na mil sake yeh wo saheli hai.. Agar zindagi hai to maut nahi aur maut hai to zindagi nahi..

Dono ki hai alag dastan, dono hai adhal aur akeli..
Dono hai har waqt bhari bhari si, ghiri hui si
Lekin phir bhi dono ka koi sath nahi..
Hai dono hi se shuruat aur ant lekin bhir bhi koi ehsas nahi...

Maut aur zindagi...

Dono ka wajood is duniya mein sampoorn rup se chaya hai..
Dono ki aut mein har shaks har chehra samaya hua hai..
Agar gaur se dekha jaye to har vyakti dono se hi ghabraya hua hai..
Jo zindagi chahta hai use maut haasil hoti hai .. Jo maut mangta hai zindagi har pal uska sath deti hai..

Maut aur zindagi..

Aaj sabhi ke charo aur dono ka vyapar chal raha hai..
Koi maut kharid raha hai, koi zindagi ko bech raha hai..
Lekin phir bhi maut aur zindagi kisi ke bas mein nahi hai..
Yeh wo to roop hai jo aaj Yatharth mein nahi hai..
Maut zindagi se ghabrayi hui hai,, aur zindagi maut per chayi hui hai..

Maut ne kuch yun famaya -
Agar zindagi ka naam hai pal pal ghute rehna, dard ko chupa ker jeena..
Har chote sapne ko bhul ker chalna.. Har kadam per apno ka bereham hona..
Sacha pyar karne per bhi tute hue dil ke sath taumr jeena..
Bhookh hone par bhi logon ka khali pet sona..
Garib hona aur us per logon ka insaniyat khona..
Khun, Chori , balatkar.. jism faroshi ka vyapar..
Agar yahi zindagi ka naam hai .. to mujhe khud per hai naaz..
Manti hun ki mein karti hun apno ko apno se dur lekar phir bhi..
Chod jati hun sabke beech un logo ki ek meethi yaad..

Jo jindagi jeete hue nahi karti wo maut marne par kar jati hai..
Kuch rishte to thode tute hue hote hein..
Marne ke baad unhe itna majboot kar jati hai.. Ki tamur log un rishton ki yaad mein zindagi guzar dete hai..
Agle janam mein milenge wo apno se yahi soch ker maut ko bhi hanste hanste gale se laga lete hein....

Muat aur zindagi ka yeh roop dekh ker hum kashmaksh mein hai..
Kise kahen bewafa aur kise kahen dilruba..
Yeh to batana bahut hi mushkil hai ..
Kuch ke liye maut khushnasib hai.. kuch ke liye zindagi karib hai .......